Representantforslag om å sikre det regionale flytilbodet på FOT-rutenettet i Sør-Noreg

Stortinget har handsama eit representantforslag frå Framstegspartiet, Høgre, Sosialistisk Venstreparti, Senterpartiet, Raudt, Miljøpartiet dei Grøne, Kristeleg Folkeparti og Venstre om å sikre det regionale flytilbodet på FOT-rutenettet i Sør-Noreg. Stortinget vedtok å be regjeringa utarbeide eit nytt anbodsgrunnlag for kjøp av regionale flyruter i Sør-Noreg (FOT-ruter) som sikrar at dagens flytilbod og setekapasitet på dei ulike strekningane vert oppretthalde minst på dagens nivå, med vekt på auka kapasitet på tider med størst behov, utan ein urimeleg prisauke, og seinast innan 15. juni 2026 innby til ny konkurranse basert på dette.