Regulering av pensjonar i 2026 og inntektstilhøve for pensjonistar

Lønnsveksten i 2026 vart anslått til 4,4 pst. Ifølgje førebelse tal vart årslønnsveksten 4,9 pst. i 2025. Det ligg føre eit positivt avvik eit år tilbake i tid på 0,5 prosentpoeng, som det skal takast omsyn til i årets regulering. Det ligg ikkje føre avvik to år tilbake i tid. Dette gir ein samla årleg lønnsvekst i 2026 på 4,92 pst. Veksten i grunnbeløpet frå 1. mai vert 4,91 pst. Det gjennomsnittlege grunnbeløpet auka frå 128 116 kroner i 2025 til 134 419 kroner i 2026. Nytt grunnbeløp frå 1. mai 2026 er 136 549 kroner.Veksten i konsumprisane i 2026 er anslått til 3,5 pst. Faktisk prisvekst i 2025 er fastsett til 3,1 pst. Det er eit positivt avvik på 0,8 prosentpoeng som skal takast omsyn til i årets regulering. Samla prosentvis prisvekst i 2026 er 3,81 pst. Gjennomsnittet av lønns- og prisvekst er 4,37 pst. Den prosentvise auken i alderspensjon under utbetaling og satsane for minste pensjonsnivå og garantipensjon er 4,69 pst. frå 1. mai.