Registrer deg gratisRegistrer deg
Votering · Familie- og kulturkomiteen · 11.06.2025

Votering i saken: Endringar i krisesenterlova (tydeleggjering av det kommunale ansvaret og grunnlag for behandling av personopplysningar m.m.)

Komiteens tilråding bokstav A.

A.

om endringar i krisesenterlova (tydeleggjering av det kommunale ansvaret og grunnlag for behandling av personopplysningar m.m.)

I

I lov 19. juni 2009 nr. 44 om kommunale krisesentertilbod blir det gjort følgjande endringar:

§ 2 andre og tredje ledd skal lyde:

Tilbodet skal omfatte følgjande:

  • a. eit krisesenter eller eit tilsvarande gratis, heilårs, heildøgns, trygt og mellombels butilbod

  • b. eit gratis dagtilbod

  • c. eit heilårs og heildøgns tilbod der personar nemnde i første ledd kan få råd og rettleiing per telefon

  • d. oppfølging i reetableringsfasen i samarbeid med andre delar av tenesteapparatet, jf. § 4.

Tilbodet skal gi brukarane støtte, rettleiing og hjelp til å ta kontakt med andre delar av tenesteapparatet.

Noverande § 2 tredje til sjette ledd blir fjerde til nytt sjuande ledd.

§ 3 første og andre ledd skal lyde:

Kommunen skal sørgje for at tilbodet så langt råd er blir lagt til rette slik at det kjem dei individuelle behova til brukarane i møte. Er tilrettelegging ikkje mogleg, skal kommunen sørgje for likeverdige alternative krisesentertilbod for brukarar som ikkje kan nytte det vanlege tilbodet ved krisesenteret.

Dei særskilde rettane til samiske brukarar skal vare-takast i krisesentertilbodet.

Noverande § 3 andre og tredje ledd blir tredje og nytt fjerde ledd.

Nye §§ 5 a og 5 b skal lyde:
§ 5 a Behandling av personopplysningar

Organ som utfører oppgåver etter denne lova, kan behandle personopplysningar, også personopplysningar som nemnde i personvernforordningen artikkel 9 og 10, når det er nødvendig for å utføre oppgåver etter lova. Det same gjeld private som utfører oppgåver etter denne lova.

Brukarar av krisesentertilbodet kan reservere seg mot vidarebehandling av opplysningar til bruk i til dømes statistikk, analysar og forsking.

Departementet kan gi nærmare reglar i forskrift om behandling av personopplysningar, mellom anna om formålet med behandlinga, behandlaransvar, kva for personopplysningar som kan behandlast, utlevering, registerføring, tilgang til register og høvet til vidarebehandling.

§ 5 b Tilgang til teiepliktige opplysningar frå Folkeregisteret

Organ som utfører oppgåver etter denne lova, kan utan hinder av teieplikt innhente opplysningar frå Folkeregisteret som er nødvendige for å utføre oppgåver etter denne lova.

II

  1. Lova gjeld frå den tida Kongen bestemmer. Kongen kan setje i kraft dei einskilde føresegnene til forskjellig tid.

  2. Departementet kan gi overgangsreglar.

Følg sakenFå e-post når saken endrer status. Gratis i betaperioden.
EnstemmigGjelder: Komiteens tilråding bokstav A.

Ser du en feil i tallene?

Meld feil

Kort om vedtaket

Stortingets eget sammendrag av hele saken
Stortinget vedtatt endringer i krisesenterlova i samsvar med regjeringens forslag i proposisjonen. Dessuten har Stortinget vedtatt flere anmodningsforslag som bl.a. omhandler barns opphold på krisesenter, krisesentertilbud for voldsutsatte med kjæledyr og tilrettelegging for at de kommunene som ønsker det, kan gjennomføre forsøk med integrert krisesenter etter bestemmelsene i forsøksloven.
Emner:Familie- og kulturkomiteenSe kilden på stortinget.no ↗